🌧️ फोन भिज्यो? यी ५ गल्तीहरू कहिल्यै नगर्नुहोस्!

अहिलेको मौसममा बेला बेलामा कहिले पानी पर्न थालेकाे छ — अनुमान गर्नै नसकिने अवस्था छ। घर वा कार्यालयभित्र पानी पर्नु सामान्य हो, तर बाहिर जाँदै गर्दा अचानक पानी परेमा हामीसँग भएका मोबाइलजस्ता डिजिटल उपकरणहरू भिज्ने खतरा अत्यधिक हुन्छ।

यस्तो बेलामा आत्तिएर तुरुन्तै फोन चलाउने वा सुखाउने प्रयास गर्नु घातक हुन सक्छ। सानो गल्तीले तपाईंको महँगो स्मार्टफोन सधैंको लागि बिग्रन सक्छ।

यहाँ फोन भिजेपछि गर्ने ५ सामान्य तर खतरनाक गल्तीहरूबारे चर्चा गरिएको छ:

❌ 1. फोन तुरुन्तै अन नगर्नुहोस्

धेरै मानिसहरू फोन भिजेपछि तुरुन्तै जाँच्न अन गर्छन् — यही सबैभन्दा ठूलो गल्ती हो।
फोनको आन्तरिक सर्किट अझै भिजेको अवस्थामा करेन्ट प्रवाह हुँदा शर्ट सर्किट भएर फोन सधैंको लागि नष्ट हुन सक्छ।
👉 सल्लाह: फोनलाई अन नगरी बन्द राख्नुहोस् र सुक्न दिनुहोस्।

⚡ 2. फोन चार्जमा नहाल्नुहोस्

फोन सुकाउनका लागि तत्काल चार्जमा जोड्नु अझै खतरनाक हुन्छ।
पानी र बिजुलीको संयोगले फोन र चार्जर दुवैमा आगलागी, शार्ट सर्किट हुन सक्छ।
👉 सल्लाह: फोन पूर्ण रूपमा सुखुन्जेल चार्जमा नलगाउनुहोस्।

🔥 3. हेयर ड्रायर वा हिटर प्रयोग नगर्नुहोस्

कतिपयले फोन सुकाउन हेयर ड्रायर या हिटर प्रयोग गर्छन्, तर यसले फोनको अत्यन्त संवेदनशील पार्टहरू (ब्याट्री, स्क्रीन, सर्किट बोर्ड) नष्ट गर्न सक्छ।
👉 सल्लाह: यस्तो अत्यधिक तातो स्रोतको साटो, ठूलो हावाप्रवाह भएको स्थानमा राख्नुहोस् ।

📳 4. फोन झट्काउने (हल्लाउने) नगर्नुहोस्

फोनलाई हल्लाउँदा पानी बाहिर आउँछ भन्ने भ्रम धेरैलाई हुन्छ। तर, यसले पानीलाई झन् फोनको गहिरा भागमा (जस्तै स्पिकर, माइक्रोफोन, चार्जिङ पोर्ट) पु¥याउँछ।
👉 सल्लाह: फोनलाई स्थिर राख्नुहोस् र हलुका कपडाले सोस्नुहोस्।

🍚 5. फोन चामलमा हाल्ने गल्ती नगर्नुहोस्

चामल पानी सोस्छ भन्ने मान्यता स्मार्टफोनमा लागू हुँदैन।
वास्तवमा, चामलले वाष्प हटाउन सक्दैन, र पोर्टहरूमा चामल अड्किने समस्या झन् थप हुन्छ।
👉 सल्लाह: यदि फोन गम्भीर रूपमा भिजेको छ भने प्राविधिक सेवा केन्द्रमा लैजानु सबैभन्दा सुरक्षित उपाय हो।